Fondi vash Humanitaruno Hako ani Kosova (FDHK) kharela e sah studentyen (e trinto bershesko thay shtarto e studiengo) e Yuridikune Fakultetesko (publikuno thay privatune kolejya), kay te aplikinen vash praktikuni buti ano monitoripe e krisipyengo e maripeske krimyengo ani Kosova. Vahtesko lugipe e praktikako ka ovel kotar trin (3) ji ko shov (6) masek.
Ano periodi e praktikako, studentya ka theren shaipe te len kotor thay te monitorinen seance vash maripeske krimya ani Kosova pashe e kriselinyenge ani Kosova thay Specializime Sobe e Kosovake, thay vi te siklon may buderi vash procesya e tranzicionalune hakaipesko vash e buti ano FDHK.
FDHK ka uqharel o studentyenge harjipya kola ka angazhingyon ano monitoripe akale kriselinyenge seancengo.
Mangle dokumentya:
CV
Motivipesko lil
Certifikata e notengi
Sar te aplikinav:
O interesime studentya musay te biqhalen o mangle dokumentya ano emaili
office@hlc-kosovo.org.
Numay o alosarde studentya ani tang lista ka khargyon vash intervista.
Kriterya vash alosaripe e kandidatyengo:
Studentya musay te oven ano trinto vay shtarto bersh e studengo bachelor ano Yuridikako Fakulteti, numay o studentya ano paluno bersh e studiengo kola siton profilizime ano penaluno direktipe thay mashkarthemutno hako ka ovelolen anglipe;
Studenti/a musay te agorinel o testya ano penaluno hako thay penaluni procedura;
Mashkaruni nota musay te ovel pedral 7.5;
Penjaripe e serbyuna thay anglikana qhibyako sito yekh anglipe;
Studentya kola ji adive na agorinde nesavi praktikuni buti, sar ini studentya kotar ververutne komunitetya kay jivdinena ani Kosova inkuraingyona te aplikinen.
Te sine kay situmen nesavo puqipe, sien shukar ale kay te direktingyoven e Nisa Ferati prekal emaili
