Mashkarthemutno dive e daka qhibyako, kole o UNESCO anavingya pe 1999. bersh, hramingyola sakova bersh pe 21. februari e resipeya vash promovipe e qhibyake thay kulturake ververutnipesko thay vazdipe e janipesko vash vasnipe e but qhibyengo.
📜 Vasnipe e daka qhibyako
Sar si pe UNESCO dokumenti 16/C (1970):
„Daki qhib adikerla manushesko egzistipe; prekal oleste, manush khuvela ano malipe, kerla kultura e griupaki kolako sito thay qhivela temelya vash evolviripe e sah intelektualune janipyengo.”
🔹 Soske alosargyola akava dive?
Mashkarthemutno dive e daka qhibyako anavisalo vash pelaripe pe godi ano protestya e studentyengo e Univerzitetesko ano Daki bengaleske avipeya, kola pe 21. februari 1952. Bersh iklile ano droma mangindoy kay e bengalengi qhib te ovel akceptimi sar ofisialuni qhib. Akale suroa, arakhlile e pakistaneske policiake zoralipyenca, a buderi olendar nashalde pere jivdipya.
🌍 Dive e zorale globalune mesazheya
Odole vahtestar, akava dive ani sah lumia hramingyola e ververutne aktivitetencar, sar si:
🔹 Konferencie thay diskutipe vash garavipe e qhibyako
🔹 Kulturake manifestipya thay butyarne
🔹 Edukativune programya vash vasnipe e daka qhibyako
🗣️ Qhib sitoy dikhavni e ideniteteski!
Qhib sitoy biqhindo kotor e identitetesko e sakola popukacako. Olako garavipe, kultivipe thay promobipe adikerna o niveli e kulturake janipesko yekhe malipesko.
🎉 Bahtalo Mashkarthemutno dive e daka qhibyako! Te garava, kultivina thay kama amari qhib, feri so oy sitoy dikhavni amare identitetesko thay kulturako!
