Montegrengo amalipe Perper thay Lovćen ano phikoipe kotar Ofisi vash Komunitetenge Puqipya ano Sheruneministresko Ofisi organizinde koktel sura ano Hotel Sirius pe 27 mayi vash o sebepi e Biumlavdipesko Dive e Montenegrosko.
Akaya ceremonia shrdingya intonipeya e Montenegroska thay Kosovaka himnako thay e bahtalipeske vakeripeya kay adikergya o taloministri vash Phuvokeripe thay Ruraluno Evolviripe thay reprezenti e Montenegrengo ani Kosova, Lazar Radulović, thay palo oleste e prezentune jenenge vakergya vi o Kosovako sherunoministri, Albin Kurti.Ayekha vi, vakergya ini direktori e Yekhlinyako vash ledeipe e diaspora, Erduan Demic.
Ano akava ovipe lele kotor vi e talosheruniministra vash komunitetya, Emilija Redžepi, ministri vash Komunitetya thay Iranipe, Nenad Rašić, pakyavutno konzuli e Montenegrosko ani Kosova, Gazmend Abrasi, phiravutni e butyengi e Montenegroska Ambasadako, Fedisa Dacić, sheruno e Peyaka komunako, Gazmend Muhaxheri, taliministrya, sar ini reprezentya e mashkarthemutne organizaciengo ani Kosova.
Kotar o festipe biqhaldilo klaro mesazhi kay montenegrengo komuniteti zorale dedikimi vash may zorale thay may shukar mashkar themeske ledeipya e duye themyengo, thay kay montenegrengo komuniteti musay te ovel reprezentimo ano Kosovake institucie vash te zoralol ekonomikune.
