Ofisi vash Komunitetenge Puqipya ano ledeipe e Mashkarthemutna Organizacia vash Migripe (IOM) organizingya angluni regionaluni informativuni sesia ani Prishtina thay prezentingya e ofiseski platforma. Platofrma e Ofiseski vash Komunitetenge Puqipya sito produkti e proyektesko “Phikoipe e institucienge thay komunitetenge ano keripe e inkluzivune malipesko” kova phiravgyola kotar e rig e IOM-ki, phikoimi kotar e Zvicraki thay Britanaki Ambasada ani Kosova. Informativuni sesia organizisali pe 30 yuli 2024, ano Hotel Garden kote lele kotor pinda reprezentya e lokalune instituciengo thay biraipkane sektoresko kotar Prishtinako regioni (Prishtina, Fush Kosova, Obiliq, Graqanica, Poduyeva, Lipyani thay Shtimya). Ani diskusia vash shayutne informacie ani platofrma, kotorleutne dende pere rekomandipya thay ulavde pere gndipya kola siton kotar baro vasnipe vash may dur buti e platformaki thay bayaripe e komunikaciako thay ledeipe e nabuderune komunitetenca ano realizipe e resipyengo, kreiripe e inkluzivune malipesko.
Informativune sesie ka organizingyon ano Peyako, Prizrenosko, Mitrovicako thay Gilanako regioni, ano mashkar vahti, inkuraingyona o dizune thay biraipkano sektori te vastinen e platforma, te registringyon ani platforma thay te vastinen o platformake servisya.
