Ano rami pere programesko, Ofisi vash Komunitetenge Puqipya organizingya yekh truyali mez vash goranyuno komuniteti pe 19 aprili 2023, kote lele kotor o sherunoministri e Kosovaka Republikako, Albin Kurti, ministri vash Komunitetya thay Iranipe, Nenad Rashiq, sar ini taloministri e Industriako, Mashkarphiravipe thay Trego, Enes Gorani. Ano kedipe lele kotor reprezentya e civilune malipesko, butikerne andar themeske institucie, sar centralune ayekha vi odola lokalune.
Resipe e kedipesko sine penjaripe e problemyencar kolencar arkahlola o goranyuno komuniteti, save servisya dela o raipe kay te azhutinel akale komunitete thay lugyaripe e ledeipesko vash avipe. Sherunoministri Kurti penjargya e prezentunen e Raipeske aktivitetencar vash goranyuno komuniteti. Ayekha vi vakerdilo vash programi e Ofisesko vash Komunitetya, ulavipe e 500 mile eurengo vash BRO thay medie, e rezervime vastushyencar vash o sah komuntietya, sar ini vash paluno vijaipe e goranyune komunitetesko kotar Ministria vash Komunitetya thay Iranipe phanglo e kherenge keripeya. Sheurnoministri referisalo e Raipeske phanglo e Komisia vash verifikipe e diplomengo mekhle kotar Universitetie e Vrdloriguna Mitrovicako, sar ini kreiripe e yekhlinyako vash translacia thay harmonizipe ano rami e Sheruneminsitreske Ofisesko.
Prezentune ulavde pere darakeripya vash butyaripe e jenengo akale komunitetesko andar o institucie, ji kay o sherunoministri ulavgya o planya e Raipeske vash akava problemi.
May but informacie vash akava kedipe shay te arakhen ano may teluno linki:
