Ofisi vash Komunitetenge Puqipya phikoingya e mashkarnacionaluni butyarni grupa vash angloaqhavipe e terne prandipyengo ko Romane, Ashkalyune thay Egipqanyune komunitetya , kola gatisarde plani e aktivitetencar kola shay te anen ano alosaripe akale fenomenesko . Prezentipe akale planesko organizisalo pe 7 yuni 2024 ano hoteli Sirius, kote lela kotor o Kosovako Sheruministri, Albin Kurti, ministra e Hakaipeski Albulena Haxhiu, ministri vash Komunitetya thay iranipe, nenad Rashiq, talominsitri vash kultura, terne thay sporti, Sylejman Elshani, reprezenti e Ofisesko vash Shuakrno Raipe, Habit Hajredini, godideutne e sheruneminsitresko kotar o komunitetya, reprezentya e medienge, sar ini yaverutne e komunake sherunenge vash komunitetya , reprezentya e komunake ofiseyengo vash komunitetya thay iranipe, leindoy kotor vi Ofisi vash manushikane hakaya thay polyengo yekhipe. Ano kedipe lele kotor vi reprezentya e mashkarthemutne organizaciengo sar si KFOR, OEBS sar vi lokalune organizacie.
Kotorleutne sinelen shaipe te ulaven eksperience, sar ini sugestie kola musay te len kotor ano akava akciako plani vash alosaripe akale problemesko, kova sar si pe palune raportya mothavela vash buderi se 200 ovipya ano bersh. Akava sito numay yekh kotar o bajakya vash alosaripe akale problemesko, ji kay butyarni grupa ano avutno periodi ka vizitinel sakoya komuna e buderune gendoa e Romane, Ashkalyune thay Egipqanyune komunitetengo, kote khetane e sah godorne sevalutnencar ani mangli komuna ka vakeren vash prezenca e terne prandipyengi ani odoya komuna, sar vi vash ovipya sar te angloaqhavgyon.
Reprezenta e butyarna grupako vash angloaqhavipe e terne prandipyengo sito godideutni e sheruneministrekso vash komunitetya Elizabet Goving,thay te sine kay situmen sugeripya, eksperience, shay te kontaktinen ola prekal o emaili: Elizabeth.k.goving@rks-gov.net
Pe agor, reprezenti e Ofisesko vash Komunitetenge Puqipya, Besart Tasholi, ulavgya informacie vash o raipe kay dela e sah nabuderune komunitetenge kola shay te theren qalavipe ano tiknyaripe e terne prandipyengo thay mekhipe e shkolako kotar qhavore, may buderi kotar romane, ashkalyune thay egipqanyune komunitetya.Yekh kotar o ovipe vash te infomringyoven vash sah akala shaipya siton prekal e Platofrma e Ofiseski vash komunitetenge puqipya (https://zck-kpz-platform.rks-gov.net/sr/naslovna/) koya dela informacie vash o kharipya thay ververutne shaipya vash pozitivuno ekonomikuno thay malipesko qalavipe.
Pe nakhipe si fotografie kotar akava kedipe:
