Pe 15 novembri 2023, Ofisi vash Komunitetenge Puqipya, ano ledeipe e Kosovaka Akademia vash Publikuno Siguripe, organizingya yekh Puterdo Dive vash siklovne e mashkarune shkolengo kotar nabuderune komuntietya vash te penjarel olen vash shaipe e kotorleipesko thay buti ani siguripeski agencia. Pashe 100 terne siklovne ano paluno bersh e mashkaruna shkolako sinelen shaipe te shunen thay te dikhen save servisya dela e Akademia thay sar shay te khetaningyon olencar, informindoy olen vash avutne konkursya.
Ofisi e Sheruneministresko sito naysutno vash Godideutni e Sheruneminsitreski vash Komunitetenge Puqipya, Elizabeth Gowing, sar ini biraipkane organizacie kotar nabuderune komunitetya kay azhutinde ano realizipe akala vizitako, kote o kosto e transportesko thay piyipya financisale kotar korkoro ofisi. Akava ovipe kontribuingya kay ani paluni generacia e kadetyengi, 20% siton kotar nabuderune komuntietya, kote yekh kotor olengo siton qhaya thay qhave kay lele kotor ano akava puterdo dive.
Ano mashkar e prezentune jenengo sine vi o sherunoministri e Kosovako, Albin Kurti, ministri vash Komunitetya thay iranipe, Nenad Rashiq, sar ini ministri e Andrune Butyengo, Xhelal Sveçla, kola ano olengo vakeripe phikoinde akaya iniciativa thay inkurainde e ternen kay te amalingyon e akademiake.
