Komunako Ofisi vash Socialuno Dikhipe e Prishtinaka komunako kharela e sah biraipkane organizacie (BRO) registrime ani Kosovaki Republika sar si pe krisyune mothavipya kola vastingyona ani Kosova, kolako resipe sito direktimo ani umal e socialune dikhipesk, deipe e socialune thay familiarune servisyengo, rodlaripe, analiza ani umal e socialune servisyengo, keripe e profesionalune kapacitetengovash manushikane resursya, phikoipe e individyenge, qhavore thay bare, familienge thay grupenge ano riziko kote siton mangle profesionalune thay familiake socialune servisya sar si:
- Qhavore bizo dadalaryengo thay familiako dikhipe / ano riziko kotar nashalipe e dadalaryenge dikhipesko;
- Qhelalo vastipe e qhavorengo, qhavore thay bare ano drom, maltretirime (qalavipe)/stigmatizirime, khetane bershuni violenca, mothavdo riziko thay viktime e sayber kriminalesko;
- Sah grupe e manushenge (qhavore, bare) e invaliditeteya;
- Viktime e krimeske, violence ani familia, trego e manushenca thay seksualune qhelale krimya;
- Jivde aqhile e familiarune violencako – reintegripe thay zorakeripe;
- Korkore halarde dadalarya;
- Ekonomikune thay socialune marginalizime qhaya thay qhave ano ruralune thay urbanyune thanipya;
- Qhavore ano phare ovipya e butyake;
- Qhavore e asocialune vakeripeya thay tikne bershune bange;
- Phure manusha kolenge manglape familiaruni thay socialuno dikhipe;
- Tikne bershune ano terne prandipya e qhayengo thay qhavengo – prevencia thay vazdipe e godinipesko nabuderune komunitetya e etnikune avipeya vash zorakeripe e dikhipesko ani familia thay socialuno kotorleipe;
- Qhavore e ulavde edukipeske mangipyenca – logopedyune mangipya,
- LGBTI+ komuniteteske sito manglo o phikoipe e profesionalune thay socialune servisya;
- Manusha kola vastinena psihoaktivune substance;
- Familie ano nashukarne socio-ekonomikune kondicie;
- Maripeske veteranya thay invalidya
Sasutno planirimo molipe kharipesko sito 400.000,00 € (shtar shel mile euro).
Minimaluno molipe e financiarune phikoipesko kova shay te dengyol vash sakova familiaruno proyekti sito 500 € (panj shek euro) ji kay maksimaluno molipe vash proyekti 16.000,00 € (deshu shov mile euro).
Paluno vahti vash deipe e propozalesko siton 15 butyake dive, vay kotar dive e publikipesko 02.04.2025 ji pe 24.04.2025.
BRO shay te aplikinen numay yekh proyekteya ano rami akala kharipesko, Periodi e realizipesko sito kotar 6 ji pe 12 maseka.
Hako kay te konkurinen pere proyektencar silen BRO (Biraipkane organizacie) kola siton registripe sar si pe krisyune ovipya vash registripe e BIraipkane Organizaciengo ani Kosovaki Republika thay kola butyarena ani Prishtinaki Komuna may hari yekh bersh anglo publikipe e kharipesko. Biraipkane organizacie kandidatya musay te mothaven kay olengo program e butyako sito koncentrimo ano garavipe e qalavde thay aqhavde grupengo:
Propozipya shay te dengyon ano dende formularya, kola siton Mothavipya vash deutne e aplikipyengo thay siton shayutne vash leipe ani veb qham ano avutno linki: https://prishtinaonline.com/drejtorite/mireqenia-sociale/subvencionet
Pherde dokumentya shay te biuqhalgyon e posta thay personalune, ani avutni adresa:
Komuna Prishtina,
Direkcia vash Socialuno Garavipe
Ul, UÇK br 2, 10000,
Centro vash Dizunenge Servisya
Talokati, shalteri gn. 3
Sah puqipya phanglo e publikune kharipeya shay te mothavgyon prekal elektronikuni rig, biqhalipeya email ani adresa: premti.fazliu@rks-gov.net i munavere.qerkezi@rks-gov.net
Yaver informacie vash o kharipe shay te arakhen ano avutno linki: https://prishtina.rks-gov.net/thirrje-publike/thirrje-publike-per-mbeshtetje-financiare-te-projekteve-te-ojq-ve-per-sherbime-sociale-2/?fbclid=IwY2xjawJrIqNleHRuA2FlbQIxMAABHnpdxAGKg6M9UOfjYOlAiXoGUgHP772B_9FIZIKMiL__wcBXepAvK6Ch6gV-_aem_dj7BAOzCgZr2DRR251ewtg
