Ano Prizren pe 29 yanuari adikerdili trinto regionaluni informativuni sesia e kotorleipeya e lokalune instituciengo thay organizacie e civilune malipesko. Akaya informativuni sesia organizisali kotar o Sheruneminsitresko Ofisi – Ofisi vash Komunitetenge Puqipya, kole phikoinena e Britaniaki thay Zvicraki Ambasada ani Kosova prekal proyekti kova phiravela Mashkarthemutni organizacia vash Migripe (IOM). Akaya platforma sila pe resipe o anglipe e ledeipesko mashkar institucie thay civiluno malipe vash te lenpe kan o komunitetenge mangipya thay te kergyol sahastardo malipe.
Anop akava kedipe lele kotor reprezentya e Ofisesko vash Komunitetenge Puqipya, IOM, komunenge ofisya vash komunitetya thay iranipe, ofisi vash butyaripe thay biraipkane organizacie kotar Prizrenosko regioni.
Ano akava kedipe vakerdilo vash funksionalizipe e platformako thay shaipya vash laqharipe e akcesesko ano servisya vash komunitetya.
Vasni tema e diskutipeski sine phikoipe e terne manushengo kotar nabuderune komunitetya e praktikuna butya prekal Superpuna thay Kosova GenU, iniciative kola silen pe resipe te zorakeren e terne manushen kotar nabuderune komunitetya thy ate den olenge hshaipya vash profesionaluno evolviripe thay integripe ano butyako trego.
Duyto vasno puqipe vash koleske vakerdilo sito verifikipe e diplomengo, kola akana shay te oven onlayn, lokhyarindoy o procesi e dizunenge thay bayarindoy e transparenca ano penjaripe e akademikune kvalifikipyengo.
Kotorleutne ayekha vi dende rekomandipya vash e platforma thay ovipya kolencar shay te ovel may vastuni e komunitetenge. Vakerdilo vash laqharipe e akcesesko ano informacie, may aktivuno kotorleipe e lokalune instituciengo thay civilune malipesko ano vastipe e platformako. Ayekha vi, mothavdilo o mangipe vash may dur phikoipe ano umala sar si eduklipe, butyaripe thay ekonomikuno evolviripe e nabuderune komunitetengo, thay lugyardo ledeipe e lokalune thay centralune instituciengo.
