Në kuadër të programit të saj, Zyra për Çështje të Komuniteteve organizoi një tryezë të rrumbullakët me komunitetin goran më 19 prill 2023, ku morën pjesë kryeministri i Republikës së Kosovës, Albin Kurti, ministri për Komunitete dhe Kthim, Nenad Rashiq, si dhe zëvendësministri i Industrisë, Ndërmarrësisë dhe Tregtisë, Enes Gorani. Në takim morën pjesë edhe përfaqësues të shoqërisë civile, punonjës brenda institucioneve shtetërore, si ato qendrore ashtu edhe ato lokale.
Qëllimi i takimit ishte njohja me problemet me të cilat ballafaqohet komuniteti goran, çfarë shërbimesh ofron qeveria që ta ndihmojnë këtë komunitet dhe vazhdimin e bashkëpunimit në të ardhmen. Kryeministri Kurti i njohu të pranishmit me aktivitetet e Qeverisë në drejtim të komunitetit goran. Gjithashtu u fol për programin e Zyrës për Komunitete, shpërndarjen e 500 mijë eurove për OJQ-të dhe mediat, me mjete të rezervuara për të gjitha komunitetet, si dhe për fitimin e fundit të komunitetit goran nga Ministria për Komunitete dhe Kthim në lidhje me ndërtimin e shtëpive. Kryeministri iu referua punës së Qeverisë në lidhje me Komisionin për verifikimin e diplomave të lëshuara nga Universiteti i Mitrovicës së Veriut, si dhe krijimin e njësisë për përkthim dhe harmonizim në kuadër të Zyrës së Kryeministrit.
Të pranishmit ndanë shqetësimet e tyre për punësimin e pjesëtarëve të këtij komuniteti brenda institucioneve, ndërsa kryeministri ndau me ta planet e Qeverisë për këtë problem.
Më shumë informacione rreth këtij takimi mund të gjeni në vegëzen e mëposhtme:https://kryeministri.rks-gov.net/sr/blog/premijer-kurti-se-sastao-sa-clanovima-nevecinske-zajednice-goranaca-na-kosovu/
