Një tryezë e rrumbullakët me komunitetin boshnjak u organizua më 28 shtator 2023, ku morën pjesë përfaqësues të komunitetit boshnjak nga organizatat joqeveritare, si dhe kryeministri i Kosovës, Albin Kurti dhe zëvendëskryeministrja Emilija Rexhepi. Në fjalën e tij, kryeministri u tha të pranishmëve të këtij komuniteti se është i lumtur që sot është në mesin e tyre, duke falënderuar zëvendëskryeministren Rexhepi e cila, siç tha ai, i ka bashkuar dhe se mund të diskutojnë tema që shqetësojnë mbarë shoqërinë tonë dhe kështu të gjithë ne.
Gjatë takimit, kryeministri përmendi ndarjen e 3 milionë eurove për komunitetet joshumicë në Kosovë, të cilat përmes Ministrisë për Komunitete dhe Kthim janë ndarë për organizatat joqeveritare dhe bizneset e vogla me qëllim të rritjes së punësimit. Ai paralajmëroi një projekt infrastrukturor në Pejë dhe Dragash dhe ndërtimin e rrugëve të rëndësishme për komunitetin boshnjak, ku janë ndarë 8 milionë euro, pasuar nga një program praktike për të rinjtë, në mesin e të cilëve 9 për qind janë boshnjakë.
Më shumë informacione rreth këtij takimi mund të shihni në vegëzën e mëposhtme:
